မြန်မာအက်ဂရိုအိတ်(စ)ချိန်းအများပိုင်ကုမ္ပဏီလီမိတက်၏ ဒါရိုက်တာ ဦးသူရိန်အောင်နှင့် 7minutes အပိုင်း(၁)
မြန်မာအက်ဂရို အိတ်ချိန်း(စ) အများပိုင်ကုမ္ပဏီလီမိတက်-MAEX အနေနဲ့ ငွေချေးသက်သေခံကြီးကြပ် ရေး ကော်မတီ-SECM ရဲ့ ခွင့်ပြုချက်အတိုင်း အများပြည်သူကို ကျပ်သန်းပေါင်း ငါးထောင်ဖိုးရှိတဲ့ ရှယ်ယာအစု ငါးသိန်းကို ဇန်န၀ါရီလ ၁၆ ရက်နေ့ကနေ စတင်ရောင်းချခဲ့တဲ့ နေရာမှာ အချိန်တစ်လမပြည့်ခင်မှာပဲ မူလအဆိုပြုထားတဲ့ ရှယ်ယာအစု ငါးသိန်းကို ရောင်းချနိုင်ခဲ့တဲ့အပြင် နောက်ထပ် အစုပေါင်း တစ်သိန်းသုံးထောင်လောက်အထိ တိုးမြှင့်ရောင်းချသွားဖို့ အထိ ၀ယ်လိုအားမြင့်တက်ခဲ့ပါတယ်။ MAEX အနေနဲ့ ပွဲဦးထွက် စီမံကိန်းအဖြစ် အင်းစိန်မြို့နယ်မှာ နိုင်ငံရဲ့ အကြီးဆုံး ဟင်းသီး ဟင်းရွက်၊ သစ်သီးဝလံနဲ့ ပန်းမန် အဆင့်မြင့်လက်ကားဈေးသစ်ကို တည်ဆောက်နေတာလည်းဖြစ်ပါတယ်။ အခုတစ်ပတ် 7 minutes အစီအစဉ်မှာတော့ MAEX ကုမ္ပဏီလီမိတက်အနေနဲ့ ရှယ်ယာ အဆို တိုးမြှင့်ခံရမှုနဲ့ ပတ်သတ်ပြီး ဘာတွေကို ဆက်လုပ်သွားမလဲ? ဘာကြောင့် ရှယ်ယာအရောင်းသွက်ခဲ့တာလဲ? ဆိုတာ တွေကို MAEX ရဲ့ ဒါရိုက်တာဖြစ်သူ ကိုသူရိန်အောင်ကို ကိုအောင်သူရက မေးမြန်းထားပါတယ်။