သွေးတိုးအကြောင်းသိကောင်းစရာ | ThinYuPar

Hypertension or High Blood Pressure - သွေးတိုးအကြောင်းသိကောင်းစရာ<br /><br />ကမ္ဘာ့လူဦးရေ၏ လေးပုံတစ်ပုံခန့်သည် ပုံမှန် သွေးတိုးလူနာများ ဖြစ်ကြသည်။ လူတစ်ယောက်၏ ပုံမှန်သွေးပေါင်ချိန်မှာ အပေါ်သွေး 100 နှင့် 140 ကြား၊ အောက်သွေး 60 နှင့် 90 ကြား ဖြစ်သည်။ အပေါ်သွေး 140 နှင့်အထက်၊ အောက်သွေး 90 နှင့်အထက် ဆိုလျှင် သွေးတိုးဟု သတ်မှတ်နိုင်ပါသည်။ သွေးတိုးရောဂါသည် အသက်အရွယ်မရွေး၊ ကျား/မ မရွေးဖြစ်တတ်သည်။<br /><br />Full Article: https://www.thinyupar.com/things-to-know-about-high-blood-pressure/<br /><br />သွေးတိုး၏လက္ခဏာရပ်များမှာ<br /><br /> ခေါင်းမူးခြင်း/ကိုက်ခြင်း (severe headache)<br /> ပင်ပန်းနွမ်းနယ်ခြင်း (fatigue)<br /> အမြင်အာရုံဝေဝါးခြင်း (vision problem)<br /> နှာခေါင်းသွေးယိုခြင်း (nose bleeding)<br /> နှလုံးခုန်နှုန်း မမှန်ခြင်း (irregular heart rate)<br /> ချွေးထွက်များခြင်း (sweating) တို့ဖြစ်သည်။<br /><br />ဘယ်လိုလူတွေ သွေးတိုးအဖြစ်များသလဲ ?<br /><br />အငန် အစားများသူ၊ အဝလွန်သူ၊ အစားအသောက် မရှောင်သူ၊ အရက်သေစာသောက်စားသူ၊ ဆေးလိပ်သောက်သူ၊ ကဖင်းဓါတ်များသည့် ကော်ဖီသောက်သုံးသူ၊ ဖိစီးမှုများသူ တို့တွင် အဖြစ်များသည်။<br />သွေးတိုးကမျိုးရိုးလိုက်တတ်သလား ?<br /><br />မျိုးရိုးလိုက်တတ်ပါတယ်။ မိဘမှာရှိရင် ကိုယ့်မှာလည်းဖြစ်နိုင်ပါတယ်။ ဆွေမျိုးသားချင်းတွေမှာ ရှိရင်လည်း ကိုယ့်မှာ ဖြစ်တတ်ပါတယ်။<br />ဘယ်အရွယ်မှာသွေးတိုးတတ်သလဲ?<br /><br />ပုံမှန်ဆိုရင် အသက် 40 ကျော်မှ သွေးတိုးတတ်ပါတယ်၊၊ ဒီလိုမှမဟုတ်ဘဲ အသက် 40 အောက်သွေးတိုးပြီဆိုရင်တော့ သွေးတိုးစေနိုင်တဲ့အခြားအကြောင်းတွေကိုသေချာရှာဖွေရပါမယ်။<br />သွေးတိုးကစိုးရိမ်ရလား ?<br /><br />သွေးတိုးရှိပြီဆိုရင် စနစ်တကျကုသမှုခံယူဖို့ လိုပါတယ်။ မကုပဲထားရင် သွေးတိုးရဲ့နောက်ဆက်တွဲ ရောဂါတွေ ဖြစ်တတ်ပါတယ်။<br />သွေးတိုးရောဂါ၏ နောက်ဆက်တွဲ ရောဂါများမှာ<br /><br /> လေဖျန်းခြင်း/လေဖြတ်ခြင်း ( Stroke )<br /> နှလုံးအလုပ်မလုပ်နိင်ခြင်း ( Heart failure )<br /> နှလုံးသွေးလွှတ်ကြောကျဉ်းခြင်း ( ischaemic heart disease )<br /> နှလုံးကြီးခြင်း ( hypertensive cardiomyopathy )<br /> ကျောက်ကပ်ပျက်ခြင်း ( renal failure ) တို့ဖြစ်သည်။<br /><br />သွေးတိုးရှိရင် ဘာတွေ လိုက်နာဆောင်ရွက်ရမလဲ ?<br /><br />သွေးတိုးရှိရင်ရှောင်ရမယ့်အစားအစာတွေက ငါးပိ၊ ငါးခြောက်၊ ငံပြာရည်၊ ဆိုဒါပါတဲ့အစားအစာတွေ၊ အချိုမှုန့်၊ လျက်ဆား စတာတွေကို ရှောင်ရပါမယ်၊၊ အသီးအရွက်များများစားရပါမယ်၊ ကိုယ်လက်လှုပ်ရှားလေ့ကျင့်ခန်းပုံမှန်လုပ်ပေးရပါမယ်၊ စိတ်ဖိစီးမှုလျော့အောင် တရားထိုင်ပေးရပါမယ်၊ ဆရာဝန်နဲ့ ပုံမှန်ပြသပြီး သွေးပေါင် ၁ပတ်လျှင် ၁ ခါ ပုံမှန် ချိန်ပေးရပါမယ်။<br /><br />ရုတ်တရက် သွေးအရမ်းတိုးရင် ဦးနှာက်သွေးကြောပေါက်ပြီး လေဖြတ်တတ်ပါတယ်။ အသက်သေဆုံးသည်အထိ ဖြစ်တတ်တာမို့လို့ သတိထားကြဖို့ တိုက်တွန်းလိုက်ရပါတယ်။<br /><br />Website: https://www.thinyupar.com<br />Facebook: https://www.facebook.com/ThinyuparOfficial<br />Instagram: https://www.instagram.com/thinyupar_official<br />Twitter: https://www.twitter.com/Thinyupar1<br />Pinterest: https://www.pinterest.com/ThinYuPar<br />DailyMotion: https://www.dailymotion.com/ThinYuPar<br /><br />#thinyupar #သင်ယူပါ #Hypertension #Health