هيئة المجتمعات العمرانية الجديدة هتطرح بكرا أكبر عدد من الأراضى المميزة فى 14 مدينة جديدة والاراضى دى هتكون بنظام القرعة العلنية وهيتم طرح حوالى 4222 قطعة أرض كاملة المرافق بمساحات تتراوح بين 162 إلى 1200 مترا بأسعار تتراوح بين 700 حتى 4 آلاف جنيه للمتر وهيكون التقديم اعتبارا من 12 أكتوبر القادم .....الدكتور مصطفى مدبولى، وزير الإسكان والمرافق والمجتمعات العمرانية أكد ان الأراضى اللى هيتم طرحها دى هتكون كاملة المرافق ودا عشان تكون جاهزة للبناء فورا وقال كمان ان الأراضى دى هيتم طرحها بأسعار قريبة من سعر السوق.... والمدن اللى هيتم طرح الاراضى فيها هى 6 أكتوبر والقاهرة الجديدة والشروق والعبور وبرج العرب الجديدة و العاشر من رمضان وبدر والسادات والمنيا الجديدة والفيوم الجديدة وسوهاج الجديدة وطيبة الجديدة ودمياط الجديدة وأسيوط الجديدة....وبالنسبة لنظام السداد هيتم سداد 35% كمقدم حجز من قيمة الأرض نقدا خلال فترة لا تزيد عن شهر من تاريخ إجراء القرعة العلنية و باقى قيمة الأرض هيتم سداده على 8 أقساط ربع سنوية و القسط الأول يتم سداده بعد 3 شهور من إجراء القرعة ويتم استلام الأرض خلال شهر من تاريخ القرعة .
تابعونا على https://www.facebook.com/alSadahalMo7taramon