نروح لمحافظة الاسكندرية ، اللي بنأمل أنها تعود لرونقها كعروس للبحر الأبيض المتوسط وتختفى منها كل مظاهر القبح اللي ترسخت خلال السنوات الماضية ..... اللواء طارق المهدي محافظ الاسكندرية من القلائل اللي المواطن السكندري بيشعر بوجودهم في الشارع طول الوقت وبيشرف بنفسه على أعمال التطوير اللي بتشهدها المحافظة .... كوبري محرم بك على سبيل المثال بيشهد حاليا تطوير كبير سواء في إعادة الرصف والإنارة ، المهدي افتتح المرحلة الأولى من تطوير الكوبري وهى حوالي 1.2 كيلو وتم فتح حارة تالته في الكوبري بجانب تركيب أعمدة إنارة جديدة ، اليوم مثلا مع الحارة التالتة الناس في الاسكندرية والقادمين من القاهرة شعروا بحالة من السيولة المرورية عن الأول ، أى حد راكب عربية دلوقتي ما بيخدش ثواني ، المرحلة التانية من تطوير كوبري محرم بك هتكون في 30 سبتمبر القادم -- عموما احنا معانا على الهاتف اللواء طارق المهدي محافظ الاسكندرية
تابعونا على https://www.facebook.com/alSadahalMo7taramon