Iphupha elizolileyo,
Iintupha ezomileyo,
Ulwimi olunxaniweyo,
Isizwe esoniweyo.

Waded' umhlangala
Ayafik' inhywagi.
Ibanjezelwe ngu Nomami.
Akwaba ebesekho uGazi...

Ziphin' iimpumlo zophando?
Ziphin' izandla zothando?
Ziphin' izilo zonyango:
Ezithi ndiliyilo,
Zindenz' iciko?

Nyana buza kuyihlo,
Ntombi buza kunyoko,
Banixelele ngenkcubeko.

Uz'unyevule; ulibale
kukunyantsula ndithetha!
Mhla ndanyakama
Uyakulonyanya elo theko,
Uyakuwazi wona amasiko!

Ndithi ndakubona lomzi kaPhalo
Kucace Gca..(leka) ukuba ijikile intlalo

Kodwa ndithi ndakuva izibongo
abuye onke awam amabhongo
Ndilive lithwasa ihlobo
Litsho ngamazwi antlobo-ntlobo:

Elinye lithi 'Ntyilo-ntyilo'
Elinye liyhi 'Babetshilo: '

Mayibuye i-Afrika
Makavuke Amaxho.....sa!

Nkululeko Mdudu

http://www.poemhunter.com/poem/iphupha/