Diwa'y lumilipad sa saliw ng tinig
Umukilkil melodya ng puso sa kanyang gibik,
Ngiti sa labi, di maiwasang mapagkit
Ligwak ng pagnanasang makaisa,
buntunghininga ng pananabik...

Init ng nasa, ninanamnam kahit 'san' saglit
Palitan ng nais, tamis na sambit ng bibig,
Mainit na hininga, galing sa uhaw na labi
Pag-ibig na lulukob, hangad sa malamig na gabi.

Buntunghininga mo, nais ko'ng marinig
Sa araw na ikaw ay makasama at makaniig,
Malamyos na tinig, lambing na duyan ng iyong tinig
Mahal kita, walang iba, buntunghininga ng puso ko'ng umiibig!

Inner Whispers

http://www.poemhunter.com/poem/buntunghininga-ng-pag-ibig/