great naat by allama iqbal from book Bal-e-Jirail Zooq o shooq available on http://www.allamaiqbal.com/
ذوق و شوق
(ان اشعار ميں سے اکثر فلسطين ميں لکھے گئے(

دريغ آمدم زاں ہمہ بوستاں
تہي دست رفتن سوئے دوستاں
قلب و نظر کي زندگي دشت ميں صبح کا سماں
چشمہ آفتاب سے نور کي ندياں رواں
حسن ازل کي ہے نمود ، چاک ہے پردئہ وجود
دل کے ليے ہزار سود ايک نگاہ کا زياں
سرخ و کبود بدلياں چھوڑ گيا سحاب شب
کوہ اضم کو دے گيا رنگ برنگ طيلساں
گرد سے پاک ہے ہوا ، برگ نخيل دھل گئے
ريگ نواح کاظمہ نرم ہے مثل پرنياں
آگ بجھي ہوئي ادھر ، ٹوٹي ہوئي طناب ادھر
کيا خبر اس مقام سے گزرے ہيں کتنے کارواں
آئي صدائے جبرئيل ، تيرا مقام ہے يہي
اہل فراق کے ليے عيش دوام ہے يہي
کس سے کہوں کہ زہر ہے ميرے ليے م ے حيات
کہنہ ہے بزم کائنات ، تازہ ہيں ميرے واردات
کيا نہيں اور غزنوي کارگہ حيات ميں
بيٹھے ہيں کب سے منتظر اہل حرم کے سومنات
ذکر عرب کے سوز ميں ، فکر عجم کے ساز ميں
نے عربي مشاہدات ، نے عجمي تخيلات
قافلہء حجاز ميں ايک حسين بھي نہيں
گرچہ ہے تاب دار ابھي گيسوئے دجلہ و فرات
عقل و دل و نگاہ کا مرشد اوليں ہے عشق
عشق نہ ہو تو شرع و ديں بت کدئہ تصورات
صدق خليل بھي ہے عشق ، صبر حسين بھي ہے عشق
معرکہء وجود ميں بدر و حنين بھي ہے عشق
آيہء کائنات کا معني دير ياب تو
نکلے تري تلاش ميں قافلہ ہائے رنگ و بو
جلوتيان مدرسہ کور نگاہ و مردہ ذوق
خلوتيان مے کدہ کم طلب و تہي کدو
ميں کہ مري غزل ميں ہے آتش رفتہ کا سراغ
ميري تمام سرگزشت کھوئے ہوؤں کي جستجو
باد صبا کي موج سے نشوونمائے خار و خس
ميرے نفس کي موج سے نشوونمائے آرزو
خون دل و جگر سے ہے ميري نوا کي پرورش
ہے رگ ساز ميں رواں صاحب ساز کا لہو
فرصت کشمکش مدہ ايں دل بے قرار را
يک دو شکن زيادہ کن گيسوے تابدار را
لوح بھي تو ، قلم بھي تو ، تيرا وجود الکتاب
گنبد آبگينہ رنگ تيرے محيط ميں حباب
عالم آب و خاک ميں تيرے ظہور سے فروغ
ذرہ ريگ کو ديا تو نے طلوع آفتاب
شوکت سنجر و سليم تيرے جلال کي نمود
فقر جنيد و بايزيد تيرا جمال بے نقاب
شوق ترا اگر نہ ہو ميري نماز کا امام
ميرا قيام بھي حجاب ، ميرا سجود بھي حجاب
تيري نگاہ ناز سے دونوں مراد پا گئے
عقل غياب و جستجو ، عشق حضور و اضطراب
تيرہ و تار ہے جہاں گردش آفتاب سے
طبع زمانہ تازہ کر جلوئہ بے حجاب سے
تيري نظر ميں ہيں تمام ميرے گزشتہ روز و شب
مجھ کو خبر نہ تھي کہ ہے علم نخيل بے رطب
تازہ مرے ضمير ميں معرکہء کہن ہوا
عشق تمام مصطفي ، عقل تمام بولہب
گاہ بحيلہ مي برد ، گاہ بزور مي کشد
عشق کي ابتدا عجب ، عشق کي انتہا عجب
عالم سوز و ساز ميں وصل سے بڑھ کے ہے فراق
وصل ميں مرگ آرزو ، ہجر ميں لذت طلب
عين وصال ميں مجھے حوصلہء نظر نہ تھا
گرچہ بہانہ جو رہي ميري نگاہ بے ادب
گرمي آرزو فراق ، شورش ہاے و ہو فراق
موج کي جستجو فراق ، قطرے کي آبرو فراق!