اہلِ پاکستان کو قراردادِ پاکستان کی پلاٹینیئم جوبلی مبارک :)
1971 کی جنگ میں مشہور غزل گائیکہ فریدہ خانم کا گایا ہوا ایک خوبصورت اور یادگار ملـی نغمہ جو اب نایاب ہوچکا ہے ، اس نغمہ کے خالق احمد ندیم قاسمی تھے،ریڈیو لاہور سے نشر ہونے والا یہ نغمہ پاک سرزمین کے شہداء کو خراجِ تحسین پیش کرتے ہوئے کہتا ہے کہ ہمارا وطن درحقیقت قربانیوں کا ثمر ہے جس کی بنیادوں میں لاکھوں افراد کا خون پنہاں ہے، اسی لیے اس کا کوئی ثانی نہیں ۔۔۔۔ بات تو سچ ہے کہ محنت رائیگاں جاسکتی ہے لیکن قربانی نہیں،یہی وجہ ہے کہ تمام تر نامساعد حالات کے باوجود ہم کھڑے رہے،ہم نے مشکل وقت بھی دیکھا جو آج تک جاری ہے، وطنِ عزیز کو ختم کرنے کے لیے دشمنان نے کون کون سی کوششیں نہیں کیں، اغیار سب ہی ایک ہوگئے مگر پاک وطن آج بھی قائم ہے ( الحمداللہ ) ۔۔۔۔۔ دل کی نگاہ سے دیکھیں تو ایک ایک روسی اشتراکی فلسفی بالڈوف نے کہا تھا کہ میں پہلے خدا پہ یقین نہیں رکھتا تھا لیکن جب میں نے پاکستان کا مطالعہ کیا اور یہاں آکر مشاہدہ کیا تو کدا پہ یقین ہوگیا کہ اس ملک کی سالمیت یقیناََ ایک طاقت چلا رہی ہے جو خدائے واحد کی ہے ۔۔۔۔
قراردادِ پاکستان کی پچھترویں سالگرہ کے موقع پر میرے قومی نغمات کے مجموعہ میں سے فریدہ خانم کا یہ نایاب نغمہ آپ سب کی ںذر ۔۔۔۔۔ یقین ہے کہ آپ سب کو یہ ناصرف پسند آئے گا بلکہ ماضی کے حسین دریچوں میں بھی لے جائے گا :)
ارضِ پاکستان تو ہے سرفروشوں کی زمیں
خاک سے افلاک تک کوئی تیرے جیسا نہیں
سبز ہیں شاداب ہیں آباد ہیں یہ وادیاں
سر اٹھاتی چوٹیاں کوہسار کی شہزادیاں
چاند جیسے تیرے دریا جن کا پانی آبگیں
ارضِ پاکستان تو ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو تری گودی کے پالے ہیں ستارے بن گئے
یہ ستارے جب بھڑک اٹھے شرارے بن گئے
روشنی پھیلی فضائیں اور روشن ہوگئیں
ارضِ پاکستان تو ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نعرہء حق ساری دنیا کو سنایا جائے گا
اس زمیں کو چرخ کا ہمسر بنایا جائے گا
نور کی شمعیں دل کی وسعتوں میں جاگ اٹھیں
ارضِ پاکستان تو ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔