VIDEO: Chinese teacher, nasalo ang batang babaeng nahulog mula sa 8th floor!


Teacher, nasalo ang isang babaeng nahulog mula sa 8th floor!

Ang teacher na ito ay isa nang hero, matapos niyang masalo ang isang two-year-old na batang babae, na nahulog mula sa isang 8th story window sa China noong Martes.

Nangyari ang insidente, alas siete ng gabi sa Xi An, na nasa northern province ng Shanxi sa China.

Ayon sa isang witness, nakita niyang nakasabit sa bintana ang bata.

Ang pangalan ng bata ay Chen Chen, at iniwan siya sa bahay ng kanyang mga magulang. Gumapang siya sa bintana, sa kanilang 8th floor na apartment.

Napansin ng iilang mga residente ang bata, at nagtawag ng pulis ang lalaking naka-puti, na tumakbo, sakto, para masalo ang maliit na bata nang nahulog ito.

Ayon sa teacher na si Yuan Jian-Ping, narinig niyang nagsisigaw ang mga tao na nahuhulog ang bata. Hindi niya nakita nang malinaw ang bata bago niya ito nasalo; nagmadali lang siyang abutan ito para hindi ito masaktan. Umiiyak daw ang bata pero hindi natamaan ang kanyang ulo.

Ayon sa isang saksi, nasalo ng teacher ang bata, at nahulog siya sa kalsada. Natanggal ang kanyang salamin at nawasak ang kanyang cell phone.

Itinanghal na hero si Yuan Jian-Ping sa pagligtas sa buhay ng bata, na nasugod sa ospital. Nabali ang isa sa kanyang ribs at nagkaroon siya ng air bubbles sa kanyang baga, pero hindi niya ikamamatay ang mga pinsalang ito.

Ayon sa teacher, tinawagan siya ng mga magulang ni Chen Chen para ipaalam sa kanya na okay na ang bata, at madi-discharge mula sa ospital sa loob ng isang buwan. Natutuwa si Yuan at napaka-humble na sinabing ginawa niya lamang ang gagawin ng kahit na sinong nasa kanyang posisyon at sitwasyon.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH