Babae, nabaril sa isang gun show sa Pennsylvania!

Si Krista Gearhart ay nabaril, habang siya ay nasa Eagle Arms Gun Show sa Bloomsburg Fairgrounds noong Sabado.

Si Geoffrey Hawk, na may-ari ng In Case of Emergency Enterprises, ay aksidenteng nakabaril ng isang bala sa hita ni Gearhart -- kahit na ang event ay may "no loaded weapons" policy.

Ipinapakita ni Hawk ang isang concealed-carry wallet kay Gearhart nang napaputok ang baril. Tinamaan si Gearhart ng bala sa hita.

Lahat ng tao ay napahinto nang saglit, at siniguradong walang kasunod na paputok ang nag-iisang bala. Pagkatapos ay tinulungan nila si Gearhart.

Pinaalis ng mga officials si Hawl mula sa event, at isinara ang aisle para maimbestigahan ito.

Kadalasan ay gumagamit ng plastic nab aril ang mga vendors, pero si Hawk ay gumamit ng tunay na semi-automatic .380, ayon sa Bloomsburg Police.

Sinabi ni Hawk sa pulis na dalawampung beses na niyang isinagawa ang demo, bago nangyari ang shooting, at walang nangyari - kaya hindi niya talaga alam na loaded ang baril. Sabi pa niya, baka may naglagay ng bala sab aril habang nagsasagawa siya ng background check sa mga customer.

Si Gearhart ay nagamot at na-release na mula sa ospital. Ayon sa kanyang Facebook profile, siya ay pro-Second Amendment pa rin. Nasa sa Columbia County DA na ang desisyon kung si Hawk ba ay haharap sa criminal charges.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH