Japanese na babae, nasagasaan ng tren habang hinahanap ang alagang pusa!



Isang 25-year-old na Japanese na babae ang nasagasaan ng isang tren, hatinggabi noong Huwebes, habang hinahabol niya ang alagang pusa ng kanyang kapatid, sa Yokosuka line sa Hodogaya-ku, Yokohama.

Ang biktima na si Natuski Miyata ay nakatira malapit sa pinangyarihan ng aksidente.

Inakyat dawn ni Miyata at ng kanyang nakatatandang kapatid na babae ang isang sementong pader, at naglakad sa riles ng tren, para hanapin ang alaga nilang pusa.

Doon nasagasaan si Miyata ng isang tren, at siya ay namatay matapos masugod sa ospital.

Iniimbestigasyunan ng pulis kung paano nakapunta sa riles si Miyata.

Ayon sa JR East Japan Yokohama Branch, ang aksidente ay nakapag-delay ng dalawampung tren, kung saan may 21,000 na commuters ang naapektuhan noong Huwebes.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH