Lalaking naligaw sa dagat, naligtas ng takip ng kabaong

Isang 42-year-old na Taiwanese na lalaking nagngangalang Tseng, ay naligtas matapos siyang tumagal nang animnapung oras sa dagat, habang nakakapit sa isang takip ng kabaong!

Si Tseng ay nangingisda malapit sa Hualian noong January 2, nang natulak siya sa dagat ng isang malakas na alon. Buti na lang at may lumulutang na kahoy na takip ng kabaong malapit sa kanya. Ang pagsakay dito ang dahilan kung bakit naligtas si Tseng malapit sa Taitung, matapos siyang lumutang sa dagat ng animnapung oras!

Siya ay natagpuan noong January 5, walang malay at nasa beach malapit sa Taitung. Noong una, ay akala ng mga rescuers ay lasing at natutulog si Tseng. Nang siya ay dinala sa ospital, nadiskubre ng mga doktor na siya ay may hypothermia, dehydration at low blood pressure, dahil halos tatlong araw siyang nasa dagat.

Ayon kay Tseng, may punto na natulak siyang pababa mula sa takip ng kabaong, at pinilit niyang lumangoy patungo sa baybayin, na napakahirap dahil nanghihina ang kanyang katawan. Pag-abot niya sa baybayin, ay nawalan siya ng malay.

Si Tseng ay sinalubong ng kanyang umiiyak na girlfriend sa ospital. Ayon sa kapitan ng rescue team, ito ang kauna-unahang beses na nakaranas siya ng ganitong pangyayari.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH