KINE - Duket e pabesueshme, që të ndodhë një gjë e tillë, por me sa duket në Kinë gjithcka është e mundur, madje edhe në një vrimë të thellë 17 metra dhe e gjerë 30 centimetra. Një vajzë 4-vjeçare, e cila kishte mbetur brenda në një vrimë u shpëtua nga zjarrfikësit në një qytet të vogël në provincën Shaanxi. Ekipi i shpëtimit ishte shumë i kujdesshëm për të nxjerrë shëndoshë e mirë vogëlushen. Këto janë pamjet, që të shkaktojnë një gjendje ankthi dhe frike, se cfarë do të ndodhë më pas me vogëlushen, e cila është rrëzuar brenda kësaj vrime. Vogëlushja e cila i shpëtoi vdekjes për mrekulli ka marrë disa plagë të lehta dhe është dërgur menjëherë në spital ku ndodhet jashtë rrezikut për jetën. (ad.ti/l.ç/shqiptarja.com)