Përmes një ceremonie shtetërore përkujtohen sot në të tretin vit policët e rënë në krye të detyrës në luftën me betejën e krimit.

Janë 254 policë të rënë në krye të detyrës dhe kryeministri Edi Rama dhe ministri i Brendshëm Saimir Tahiri u zotuan sot se do t'i gjenden pranë familjeve të cilët kanë humbur njeriun e tyre duke i siguruar strehim, shkollim dhe punësim.

U premtua se do bëhet gjithçka fillimisht të çrrënjoset tradhtia e të merret hak në emër të ligjit duke luftuar krimin dhe duke i dhënë mbështetjen më të madhe familjeve të policëve të vrarë por dhe policit të sotëm si njeriu që ka punën më të vështirë, më të keqpaguar por më fisnikja në këtë vend.