Infrastruktura është përcaktuar edhe për këtë vit si një nga drejtimet kryesore të punës së bashkisë Shkodër, ku janë parashikuar ndërhyrje në 19 rruge dytësore si dhe në 4 blloqe pallatesh. Drejtoresha e urbanistikës, Aida Shllaku, thotë se megjithë investimet e realizuara gjatë këtyre viteve, është parë e nevojshme që sërish të jetë prioritare infrastruktura, pasi qyteti ka nevoja të mëdha.
Shllaku ndalet edhe tek projekti i prezantuar për qendrën e Shkodrës, ku ndërtimi i nënkalimit në sheshin aktual "Nënë Tereza", do ti jepte një tjetër rivitalizim qendrës muzeale, duke bashkuar 2 pedonalet egzistuese.
Aktualisht një pjesë e investimeve të nisura në qytet janë në proçes pune, e të tjera presin zhbllokimin e fondeve nga qeveria për të përfunduar.