Forcat e policisë së komisariatit numër 2 në kryeqytet kanë vënë në pranga dy shtetas, të dyshuar si autorë të një sërë vjedhjesh të banesave dhe bizneseve të ndryshme në Tiranë.
Ndalimi i tyre u bë në sajë të finalizimit me sukses të operacionit policor të koduar "Ish parku", ku si rezultat i një pune operative gjurmuese disa javore u arrestuan në flagrancë shtetasit:

- Arnold Fatmir Pinari, 19 vjec, banues në Tiranë,
- Denis Shkelqim Gjoka, 19 vjec, banues në Tiranë,

Sipas policisë më datë 17.04.2014 është bërë kapja në flagrancë e dy të rinjve duke tentuar për të vjedhe një farmaci në rrugën "Naim Frashëri" Tiranë.

Në vendin e ngjarjes shtetasve të mesipërm i janë gjetur dhe sekuestruar një kriko makine mjet i cili shërbente për të hapur qepenat e dyqaneve, kaçavida, celës etj sende që kanë shërbyer për realizimin e vjedhjeve, si dhe nje automjet tip Mercedes-Benz, me targa TR 9630 T Sllown.

Nga veprimet hetimore rezulton se këta shtetas janë autor të mbi 10 vjedhjeve të banesave dhe bizneseve të ndryshme në Tiranë. U kryhen veprimet e para hetimore dhe materialet i kaluan Prokurorisë së Rrethit Gjyqësor Tiranë.