Tiranë- Policia e Tiranës arreston një person të shpallur në kërkim për trafikim të lëndëve narkotike të kryer në bashkëpunim.

Viktor Shkoza, 23 vjec, lindur dhe banues në Lezhë u arrestua rreth orës 10:15 të paradites së sotme në rrugën "Don-Bosko" në Tiranë, nga Sektori i Forcës Operacionale dhe Kërkimit.

Sipas policisë, ky shtetas ishte në kërkim pasi Prokuroria pranë Gjykatës së Shkallës së Parë për Krimet e Rënda Tiranë më datë 11.04.2014 ka dërguar urdhërin e ekzekutimit të vendimit penal të Gjykatës së Shkallës së Parë për Krime të Rënda, me te cilin është dënuar me 8 vite burg.V.Penale "Trafikim të narkotikeve kryer në bashkëpunim e mbetur në tentativë".

Shtetasi Viktor Shkoza përgjatë momenteve të kapjes posedonte me vete një pistoletë tip makarov me kreher, të cilat iu sekuestruan në cilësinë e provës materiale.