Komiteti Organizues Lokal i Kupës së Botës, Brazil 2014 simuloi një ditë të zakonshme gjatë zhvillimit të ndeshjeve të botërorit. Në këtë simulim morën pjesë përfaqësues të medias dhe forca të rendit të San Paulos ku njëra palë luante rolin e fansave dhe tifozëve sesi do duhet të sillesh gjatë blerjes së biletave, udhëtimit më autobuzë dhe trena apo hyrjes në stadium ndërsa policët ishin në rolin e protestuesve që protestonin jashtë stadiumeve.
Fillimisht ata përshkruan rrugën me tren e cila kalon nga qendra e qytetit dhe zgjat 20 min pa bërë ndalesa, por tifozat mund të përdorin dhe metronë i cili ofron kushtet optimale të siguruara nga shoqatat e transportit.
Gjatë rrugës është intervistuar dhe një qytetar i cili përshkruan itenerarin që do t'i duhet të bëjnë tifozët për të arritur në stadiumin që ndodhet pothuajse në fund të qytetit në zonën e Itaquerës.
Përfaqësuesit e medias gjithashtu ju nënshtruan demostrimeve që përfshinin blerjen e biletave, proçesin e akreditimit dhe kontrollit të sigurisë.
Shumë prej pjesmarrësve ishin të interesuar për të ditur nëse stadiumi do të përfundojë në kohë dhe menaxheri përfaqësues Tiago Paes tha se po bënin ç'ishte e mundur për të qenë gati me datë 12 qershor. Ai dha detaje më tepër mbi procesin e punës që ende vazhdon në zonën vip, tribunë dhe zonën e gazetarëve. Stadiumi i San Paulos është stadiumi më i vonuar ndër 12 stadiumet e tjerë të Brazilit.
Me 1 qershor u realizua dhe prova për të parë nëse çdo gjë shkonte në rregull, ku morën pjesë 37,000 tifozë të zonës ndonëse kapaciteti është shumë herë më i madh dhe në ndeshjen e hapjes besohet të presë 68,000 tifozë.
Gjithashtu pjesë e parapërgatitjeve ishte dhe protesta e simuluar nga agjentët e policisë për rritjen e rrogave, por që u mbyll me qetësi pas bllokimit të sheshit para stadiumit për gati 2 orë.

Sao Paolo ka patur shumë greva dhe protesta javët e fundit pasi qytetarët janë shumë të revoltuar nga milionat e harxhuara për këtë eveniment në vend që të përdoreshin për përmisimin e jetës në vend.