Në prill të këtij viti presidenti Nishani ishte për një vizitë dyditore në Kalabri mes arbëreshëve të Italisë. Ndërmjet të tjerash, ai akordoi një serë medaljesh, urdhërash e dekoratash për personalitete të komunitetit italo-shqiptar. Pak ditë më parë, Italo Elmo i drejtoi këtë letër publike, që po botojmë më poshtë me shkurtime, ambasadorit të Shqipërisë në Itali, Neritan Ceka, duke kritikuar mënyrën e përzgjedhjes prej tij të personaliteteve dhe organizmave që janë vlerësuar.

Autori i letrës është shkrimtar dhe publicist, promotor dhe organizator i eventeve kulturore dhe shkencore në trevat e banuara nga arbëreshë në Itali, si dhe president i Qendrës Studimore dhe të kërkimeve të traditave popullore italo-shqiptare.