Ndonëse cikli i mbjelljes dhe rritjes se hashashit ne fshatin Lazarat është ne kulmin e tij, policia e Gjirokastër mjaftohet vetëm duke sekuestruar mjetet qe nevojiten për kultivimin e bimës narkotike. E ndërsa policia nuk ka synuar me te ndërhyje ne zemër te fshatit problematik, banore te zonës po përdorin te gjitha mënyrat për te rritur hashashin. Se fundmi dy prej tyre kishin lidhur pompat ne lumin Drino ne mënyre te maskuar dhe kane hapur një kanal dy km te gjate për te vendosur tubat plastike, qe do te shërbenin për vaditjen e bimës narkotike. Por kjo pune është dekonspiruar dhe është goditur nga policia. Ne aksionin e radhës u bllokuan dy pikat e furnizimit me ujë te autoboteve, qe po transportoheshin ne Lazarat, dy pompa uji si dhe 5 makina te ngarkuar me cisterna plastike. Pas sekuestrimit janë shoqëruar ne polici edhe 9 shtetas e nga lagja "Zinxhira", lagja "Puntore" si dhe 7 drejtues te mjeteve, ndaj te cilëve ka nisur procedimi penal për mos kallëzim krimi. Deri me tani aksioni i policisë ka mbetur vetëm ne sekuestrime te mjeteve dhe makinave, ndërkohë qe nuk ka asnjë te arrestuar nga banoret e fshatit për kultivim te hashashit.