http://www.vizionplus.tv
https://facebook.com/VizionPlusTV
https://twitter.com/VizionPlusTV
Sipas vendimit te qeverise, administrate do te merrte ne 1 shtator rrogën bashke me rritjen e miratuar ne fillim te gushtit. Por ne te vërtete pagat janë shpërndare pa asnjë ndryshim. Te dy kategoritë qe përfitojnë nga vendimi, pagat e ulëta dhe ato mesatare nuk e kane marre shtesën edhe pse zyrtarisht ministria e financave është urdhëruar te shpërndaje fondin. Të pyetur nga Vizion Plus punonjësit e administratës janë shprehur se deri tani askush nuk i ka sqaruar për arsyet që rroga e tyre nuk ka ndryshuar, ndërkohë që nuk e dinë nëse rritja thjesht është shtyre për muajt e ardhshëm. Ndryshe nga punonjësit e administratë,s pensionistët e kane marrë rritjen që qeveria miratoi në të njëjtën datë me pagat. Fiorentina Bakllavi, pensioniste prej 5 vitesh, shprehet se sot ka marrë pensionin e muajit gusht me rritje. Ministria e Financave nuk jep asnjë arsye zyrtare përse rrogat e administratës nuk janë hedhur me rritje, por burime pranë kësaj ministrie thonë se situate e keqe buxhetore ka vështirësuar ndarjen e fondit për rritjen e rrogave. Nga ana tjetër pensionistët e kanë përfituar rritjen pasi ISSH-ja ka hedhur të gjitha paratë për këtë kategori, duke qenë se është një institucion që funksionon me vetëfinancim dhe ka rezerva fondesh buxhetore.