http://www.vizionplus.tv
https://facebook.com/VizionPlusTV
https://twitter.com/VizionPlusTV
Eranda Gorishti është një studente e cila para një viti është diplomuar për mësuesi. Pasi mbaroi trevjeçarin e duke parë kërkesat e tregut ajo u detyrua të vazhdonte edhe masterin për këtë degë. Por 22-vjeçarja shprehet se ka më shumë se 1 vit që po kërkon punë në profilin e saj dhe nuk ka arritur të gjejë. Shpresa për një vend pune e solli në këtë panair i cili përqendrohet në punësimin e të rinjve. Por jo gjithmonë mund të gjesh një vend pune për atë që je specializuar, kjo edhe pse kërkesat e tregut kanë ndryshuar. Eranda pranon se duke qenë se njeh shumë mirë gjuhën italiane, përkohësisht do të tentojë të punësohet në një kompani Call Center. Këto lloje biznesesh janë gjithnjë në kërkim të vendeve të punës. Nuk ka nevojë të kesh diplomë por mjafton të dish një gjuhë të huaj. Vende të reja pune ka edhe për ata që duan një pozicion komod. Por këtun kërkohet një diplomë e mirë, specilaizime dhe eksperiencë. Duke parë kurrikulumet që janë dorëzuar në këtë panair, përshtypje të bën që shumica kërkojnë pozicione juristi dhe ekonomisti.