http://www.vizionplus.tv
https://facebook.com/VizionPlusTV
https://twitter.com/VizionPlusTV
Pjesë nga muzikali i njohur Çikago ku petkun e Roksit dhe Velmes e veshën Jonida Maliqi e Armina Mevlani, çeli premierën e sezonit të katërt të "Dancing Albania". Mbrëmja, e cila startoi në Vizion Plus në orën 21:00 e që zgjati deri afër mesnatës, solli në skenë 12 yje dhe vallëzimet e tyre. Personazhet publike që nga fusha si sporti, teatri, show bizi apo muzika performuan në vals, mambo, chachacha, tango apo pasodoble. Pas prezantimit dhe kërcimeve të para personazhet vip u përballën si gjithmonë me vlerësimin e jurisë, së cilës këtë edicion, i është shtuar edhe aktorja Ema Andrea duke bërë që të mos mungojnë batutat. Mbrëmja e pare e "Dancing with the Stars" nuk solli eleminime, por formula e vlerësimit të yjeve është po ajo, ku pikëve të jurisë iu shtohet edhe vota e publikut, për të sjelle të larguarin e parë, të hënën që vjen. E deri atëherë, në Vizion Plus nisin çdo dite në orën 19:30 minuta provat ditore të yjeve me balerinët profesionistë, si dhe ditën e dielë nuk do të mungojë Forumi me diskutime.