http://www.vizionplus.tv
https://facebook.com/VizionPlusTV
https://twitter.com/VizionPlusTV
Ky është një nga shtatë të arrestuarit nga policia e Durrësit gjatë 24 orëve të fundit, një operacion kundër trafikimit të lëndëve narkotike, gjatë të cilit u sekuestrua 115 kg kanabis dhe 2.5 gram heroinë. Policia kishte rënë në gjurmët e këtij grupi trafikantësh prej dy muajsh, ndërsa aksioni u përmbyll sot paradite me prangosjen e shtatë personave, ndërkohë që dy të tjerë janë shpallur në kërkim. Këto janë pamjet ekskluzive të siguruara nga Vizion Plus të ndalimit të njërit prej tyre në afërsi të Urës së Dajlanit. Droga merrej nga Lazarati dhe më pas transportohej me ane të katër automjeteve dhe paketohej në dy banesa në zonën e Plazhit. Sipas drejtuesve të operacionit "Start", pasi përgatitej në pako 1 kilogramëshe, droga fshihej në kamionë me destinacion Bergamon dhe Milanon në Itali. Policia po heton edhe për persona të tjerë që mund të jenë përfshirë në këtë rrjet të trafikut ndërkombëtar të drogës. Të arrestuarve në cilësinë e provës materiale iu janë sekuestruar edhe automjetet me të cilat kryhej trafikimi i lëndës narkotike, si dhe disa telefona celularë.