http://www.vizionplus.tv
https://facebook.com/VizionPlusTV
https://twitter.com/VizionPlusTV
Nuk janë pjesë nga filmat policore, por ngjarje të vërteta. Këto pamje të shpërndara nga policia tregojnë se si një grup të rinjsh grabisnin në orët e vona të natës pikat të ndryshme karburantesh. Pasi ka njoftuar një ditë më parë arrestimin e tyre, policia e kryeqytetit ka sjellë sot disa nga pamjet e një prej kamerave të sigurisë që ka fiksuar të gjithë momentin e një grabitjeje. Pamjet tregojnë se grupi ishte tejet i dhunshëm dhe i rrezikshëm gjatë realizimit të grabitjeve. Në video shfaqet një person që po furnizonin automjetin e tij me karburant pastaj nga automjeti dalin dhe tre persona të tjerë që kapin punonjësin që po furnizonte automjetin dhe i drejtohen dhomës ku ndodhej dhe një punonjës tjetër. Nën kërcënimin e armës dhe goditjeve ndaj dy punëtoreve, grabitësit arritën të vidhnin leket e xhiros. Sipas policisë  të arrestuarit Rigels Halmusaj, Aleksandër Daci, Kristi Koleci, Ndue Deshaj, Vëllezerit Fredi dhe Bashkim Mellunga, si dhe i kërkuari Gentian Lika akuzohen për grabitjet te një sere pikash karburantesh. Arrestimi i tyre u bë i mundur pas një hetimi disa mujor ndërsa u kapën në flagrance teksa tentonin të grabisnin në një pikë karburantesh në aksin Elbasan-Pogradec. Policia e kodoi operacionin për arrestimin e tyre "Gjahtarët e natës" për shkak se grupi realizonte grabitjet kryesisht në orët e vona të natës.