http://www.vizionplus.tv
https://facebook.com/VizionPlusTV
https://twitter.com/VizionPlusTV
Periudhat e ardhjes së emigrantëve për festa apo pushime shoqërohen zakonisht me shtimin e aksidenteve në rrugë për shkak të fluksit të madh të lëvizjes dhe mosrespektimit të rregullave të qarkullimit në rrugë. Për këtë qëllim gjatë këtyre ditëve janë shtuar patrullat e policisë rrugore të cilat herëpashere këshillojnë drejtuesit e mjeteve që vijnë nga Greqia që të bëjnë kujdes me lëvizjen në rrugët tona, edhe për shkak të motit të keq të këtyre ditëve.Falë masave të marra nga sektori i qarkullimit rrugor në qarkun e Korçës është ulur ndjeshëm numri i aksidenteve me pasojë vdekjen apo plagosjet e rënda. Nëse në tremujorin e parë të vitit të kaluar ka pasur aksidente me pesë viktima dhe tre të plagosur rëndë, për të njëjtën periudhë të këtij viti janë shënuar vetëm tre raste me vdekje, ndërsa ka pasur vetëm një të plagosur rëndë. Në 3 muajt e parë të këtij viti për shkelje të rregullave të qarkullimit në rrugë, janë bllokuar 85 mjete nga 65 mjete që janë bllokuar për të njëjtën periudhë të një viti më parë.