http://www.vizionplus.tv
https://facebook.com/VizionPlusTV
https://twitter.com/VizionPlusTV
Kreu i opozitës Lulzim Basha ka mbledhur të rinjtë demokratë për t'i sensibilizuar për çështjen e drogës dhe të situatës, sipas tij, shumë të rënduar në vend nga narkotrafikantët. Përpara forumit rinor të PD, Basha ka sqaruar të rinjtë se opozita nuk kërkon zgjedhje të reja por largimin e Ramës dhe qeverisë së tij, të cilën e ka akuzuar për paaftësi. Halli i Ramës, për kreun e selisë blu, është largimi nga përgjegjësitë, nga e vërteta, ndërsa halli i shqiptarëve, sipas tij është ndalja e kthetrave të narkotrafikantëve. Për këtë Basha i ka ftuar të rinjtë t'i bashkohen protestës së të enjtes të organizuar nga opozita.