http://www.vizionplus.tv
https://facebook.com/VizionPlusTV
https://twitter.com/VizionPlusTV
Tre qendra të përkohshme shëndetësore të pajisura me të gjithë infrastukturën e nevojshme janë ngritur këtë sezon veror në të gjithë vijën bregdetare të Durrësit. Shqetësimet tipike gjatë qëndrimit në diell apo edhe probleme të tjera shëndetësore në plazhe gjejnë mjekim të menjëhershëm në këto urgjenca ku shërben një staf i specializuar mjekësh. Gjatë inspektimit të punës ne keto qendra ministri i Beqaj ka garantuar për gatishmërinë e plotë dhe shërbimin cilësorë të mjekëve gjatë gjithë ditës. Ngritja e qendrave shëndetësore në zonën e plazhit të Durrësit, Shkëmbit të Kavjës dhe në Gjirin e Lalëzit është një risi për sezonin turistik që ka ndikuar edhe në rritjen e numrit të pushuesve. Prej nisjes së sezonit në të gjithë vijën bregdetare të Durrësit qëndrojnë në gatishmëri edhe 4 autoambulanca që shërbejnë 24 orë.