http://www.vizionplus.tv
https://facebook.com/VizionPlusTV
https://twitter.com/VizionPlusTV
Dhjetëra shqiptarë e kanë pritur me protesta presidentin e UEFA-s Mishel Platini gjatë vizitës së tij në Finlandë. Grupimi i shqiptarëve, me flamuj kuqezi, shalle dhe pankarta, mbajti një tubim para zyrave të Federatës Finlandeze të Futbollit, në kohën kur Platini po zhvillonte takimet. ?Ne duam drejtësi! UEFA është një mafia! UEFA = paratë e pista! UEFA - korrupsioni! Jo racizmit! Ik Platini!?, -ishin disa prej thirrjeve të protestuesve, si dhe shënimet në pankarta. Ata kanë kërkuar gjithashtu që UEFA të anulojë vendimin e dhënë, pro racizmit, sipas tyre, dhe të ndryshojë rezultatin e ndeshjes 3-0 në favor të Shqipërisë.Tubimi kaloi pa incidente. Protesta e shqiptarëve ka gjetur pasqyrim të gjerë edhe në shtypin sportiv finlandez, ku jepen detaje edhe për ecurinë e ndeshjes së 14 tetorit në Beograd, mes Serbisë dhe Shqipërisë.