Londra është mikpritësja e bisedimeve të koalicionit anti-ISIS, ku ministrat e jashtëm të 22 vendeve përgatiten të shqyrtojnë mënyrat e koordinimit të përpjekjeve në përballjen me xhihadistët e shtetit islamik. Qindra sulme ajrore janë ndërmarrë nga forcat aleate në Siri e Irak që prej muajit gusht, por shefi i diplomacisë britanike Philip Hammond këmbëngul se fushata ajrore duhet intensifikuar.