http://www.vizionplus.tv
https://facebook.com/VizionPlusTV
https://twitter.com/VizionPlusTV
Tritoli i vendosur në pjesën e jashtme të godinës pranë kondicionerit shkaktoi vetëm dëme materiale ndërkohë që gati një orë më pas, hetuesve iu desh të rikthehen sërish në vendngjarje. Vetëm disa metra para farmacisë në afërsi të Qendrës Spitalore Universitare në rrugën Arben Minga, një tjetër shpërthim i fuqishëm tronditi banorët e këtij pallati. Kësaj herë objektiv ishte një zyrtar i policisë së shtetit. Shpërthimi në katin e pestë të pallatit shkatërroi plotësisht sheshpushimin fare pranë apartamentit të shefit të krimeve të rënda në Korçe Alfred Numani. Prokuroria nisi hetimet per vepra me qëllime terroriste, ndërkohë që njoftoi se momentalisht tre ngjarjet po hetohen së bashku nga prokuroria e krimeve të rënda. Deri më tani nuk ka asnjë person të ndaluar ndërkohë që e vetmja shpresë e hetuesve mbeten kamerat e sigurisë së bizneseve.