http://www.vizionplus.tv
https://facebook.com/VizionPlusTV
https://twitter.com/VizionPlusTV
Nën tingujt e violinës është çelur ekspozita e artistit të njohur italian Rosario Mele. Një nga surprizat e mbrëmjes që shoqëroi pikturat shumë origjinale dhe të papërsëritshme të Meles ishin edhe vargjet e tij. Ka qenë një nga njohësit e tij më të mirë, ai që ka përcjellë një botim që shkon në sinkron me artin vizual të përcjellë në këtë ekspozitë. Rosario Mele është një artist i kompletuar. Bashkë me artin vizual ai ka përcjellë edhe letërsi. Është një anë që shkon paralelisht me botën e pikturës, vetëm se në këto vargje merr vlerë të madhe e dhe fjala. Vizitorë të kësaj ekspozite që mori jetë në galerinë FAB, të akademisë së Arteve ishin jo vetëm pedagogë e studentë, por edhe njerëz të tjerë shijuan teknikën unikale të artistit italian. FAB do të ekspozojë pikturat, grafitet, skulpturat dhe tablot e realizuara me dyll dhe zjarr deri më datën 13 prill. Më tej ekspozita e këtij artisti do të vijojë rrugëtimin në të gjithë vendet e Ballkanit.