http://www.vizionplus.tv
https://facebook.com/VizionPlusTV
https://twitter.com/VizionPlusTV
Negociatat për reformën ne drejtësi rifilluan qe herët mëngjesin e kësaj të enjteje. Kryeministri Rama dhe kreu i Kuvendit Ilir Meta, janë takuar përsëri në zyrën e kryeparlamentarit në kryesinë e Kuvendit. I pari që ka mburritur ne orën 9 ishte kryeministri, i cili është detyruar te prese, deri ne mbërritjen me vone të aleatit te tij Meta. Biseda ka zgjatur një orë e gjysmë dhe është përqendruar tërësisht në hapat që mazhoranca do ndërmarrë mbi reformën më të rëndësishme politike dhe institucionale në vend. Mësohet se gjatë takimit palët kanë përsëritur qëndrimet, e duket se është rënë dakord që Komisionit të Venecias t?i dërgohen dy drafte për ndryshimet kushtetuese, ai i hartuar nga ekspertët e nivelit të lartë dhe i dyti, ai i përpiluar nga ekspertët e zgjedhur nga Ministria së Drejtësisë. Ky variant shikohet si një mundësi qe mospërputhjeve mes palëve ne Tirane, tu jape zgjidhje Venecia. Pas takimit me kryeministrin, në orën 12.30, në zyrën e kreut të Parlamentit, ka mbërritur ambasadorja e Bashkimit Europian Romana Vlahutin. Burimet bëjnë me dije se gjatë këtij takimi, zoti Meta ka shprehur qëndrimin se reforma në drejtësi është shumë e rëndësishme dhe për pasojë nevojitet konsensusi politik dhe gjithëpërfshirje. Për kryeparlamentarin, është i rëndësishëm përfshirja e opozitës në procesin e reformës në sistemin e drejtësisë. Takimet e së enjtes pasojë ato të pasdites së një dite më parë, në zyrën e kreut të qeverisë kanë qenë ambasadorët Lu e Vlahutin për ndërmjetësim në negociatat mes palëve për gjetjen e një kompromisi mbi reformën. Ndërkohë që në mbrëmje kryeministri Rama është takuar në Vilën 30, pranë kryesisë së Kuvendit me aleatin e tij Meta.