Deputeti socialist Ervin Bushati ka komentuar këtë të martë përplasjet e deputeti Ben Blushi brenda PS-së. Bushati thotë se përderisa opozita nuk përbën më lajm, është e nevojshme sipas tij opozita brenda Partisë Socialiste.

"Duket si proces dialektik, kur nuk ndodh opozita diku, kërkohet një vend tjetër. Ky debat tregon se PS është parti vibrante, mendjehapur ku secili mund të thotë mendimin e tij. Për këtë punë janë anëtarët e partisë që vendosin me votë. Këto tensione demokratike janë shenjë demokracie,? shprehet ai.

Sa i përket anëtarësimeve në PS, Bushati thotë se në kryeqytet ato janë dyfishuar, ndërsa mohon mbajtjen e asamblesë kombëtare, pasi sipas tij nuk ka më kohë.