Viti 2015 ishte një vit i veçantë për të gjithë pushtetin vendor në gjithë vendin, pasi u përball me një proces të vështirë dhe mjaft kompleks, në kuadrin e zbatimit të ligjit nr. 115/2014 ?Për ndarjen administrativo-territoriale të njësive të qeverisjes vendore në Republikën e Shqipërisë?.

Me Bashkinë Shkodër u shkrinë në një të vetme 10 komuna me shtrirje të gjerë gjeografike. Bashkia e re trashegoi të gjitha të drejtat dhe detyrimet, që kanë patur ish njësitë vendore, ku përfshiheshin pagat dhe sigurimet shoqërore, shpenzimet operative, kontrata të shërbimeve dhe investimeve të lidhura, vendime gjyqësore të formës së prerë ose në proces, etj., të transferuara në zbatim të VKM-së nr. 510, datë 10. 6. 2015 ?Për miratimin e procedurave për transferimin e të drejtave dhe detyrimeve, personelit, aktiveve të trupëzuara dhe të patrupëzuara, të arkivave dhe çdo dokumentacioni tjetër zyrtar në njësitë e qeverisjes vendore, të prekura nga riorganizimi Administrativo-Territorial?. Realizimi i të ardhurave për 6-mujorin nga ish komunat ishte në nivelin 26%. Nga 213 756 mijë lekë të planifikuara, ishin realizuar vetëm 56 911 mijë lekë. Transferta e pakushtëzuar, akorduar komunave për 6-mujorin e parë ishte në shumën 101 712 mijë lekë, ndërsa totali i shpenzimeve të realizuara si 6-mujor ishte 83 598 mijë lekë dhe detyrime (kontrata), të regjistruara në sistemin informatik të qeverisë në shumën 51 118 mijë lekë. Bashkia e re trashëgoi 74 000 mijë lekë nga fondet e mbetura të ish njësive vendore, të cilat nuk mjaftonin për mbulimin e detyrimeve të trashëguara. Gjatë 6-mujorit të dytë u unifikuan procedurat e administrimit, si dhe u bë ndërthurja e planeve vjetore dhe e realizimeve faktike të ardhurave dhe shpenzimeve nga ish komunat, me planin dhe realizimin buxhetor të ardhurave dhe shpenzimeve të Bashkisë Shkodër. Përveç ruajtjes së vazhdueshmërisë së administrimit dhe dhënies së shërbimit ndaj taksapaguesve në të gjithë territorin e saj, Bashkia menaxhoi burimet e veta, dhe siguroi të ardhurat e nevojshme për kryerjen e të gjithë funksioneve dhe tejkalimin e fazës tranzitore. Bashkia Shkodër realizoi në total në fund të vitit 2015, të ardhura në shumën 482 687 mijë lekë, nga të cilat 56 910 mijë lekë ishin të ardhura të realizuara nga ish komunat në 6-mujorin e parë. Shpenzimet gjithësej nga tranferta e pakushtezuar dhe të ardhurat e veta, janë realizuar në shumën 997 904 mijë lekë, nga të cilat Bashkia qendër 537 977 mijë lekë, Njësitë Administrative 267 199 mijë lekë dhe Njësitë e varësisë 192 728 mijë lekë. Shuma e transfertës së kushtëzuar e vitit 2015, për Bashkinë Shkodër, ka qenë 978 970 mijë lekë dhe është realizuar në shumën 879 607 mijë lekë. Në këtë shumë janë mbartur edhe tepricat e fondeve nga ish komunat, mbetje të parealizuara nga ana e tyre. Këtu përfshihen edhe fondet e ndihmës ekonomike dhe pagesave të personave me aftesi të kufizuar. Shuma e transfertës së kushtëzuar e alokuar për ish komunat për 6-mujorin e parë 2015, ka qenë në sh...