Asambleja Parlamentare e NATO-s do të mbajë punimet për herë të parë në Tiranë nën masa të rrepta sigurie. Në vijim grantimit të sigurisë së punimeve të eventit më të rëndësishëm të Aleancës së Atlantikut të Veriut, Policia e Tiranës njofton të gjithë përdoruesit e automjeteve se do të jenë të bllokuara rrugët kryesore të kryeqytetit si Bulevardi "Dëshmorët e Kombit", rruga "Ibrahim Rugova", "Lekë Dukagjini", "Papa Gjon Pali i II", Sheshi "Italia" si dhe parkingu i vendosur në Sheshin "Nënë Tereza".