Në 14 qershor, kur Komisioni Parlamentar i Reformës në Drejtësi miratoi draftin e ndryshimeve kushtetuese për reformën në drejtësi, pjesë e mbledhjes ishin dy ambasadorët lokomotivë e këtij procesi: Donalt Lu e Romana Vlahutin. Ata qëndruan gjatë gjithë mbledhjes si ?gardianë? të mbarëvajtjes së procesit, edhe pse opozita u largua pa marrë pjesë në votim.

Por çfarë u tha në mbledhjen me dyer të mbyllura ku dt ambasadorët dhanë mesazhe për opozitën, e cila është kundër këtij drafti?
Shqiptarja.com zbardh procesverbalin e kësaj mbledhjeje, ku del qartë pozicionimi i Shteteve të Bashkuara të Amerikës, të cilat përmes ambasadorit Lu kërkojnë votë pa kushte për këtë draft, pasi dokumenti është i mbështetur prej tyre. Po ashtu, ambasadorja e BE-së thotë se vetingu, ndryshe nga ç?kërkon opozita, nuk mund të bëhet nga partitë, duke rrëzuar teorinë e vendeve të rezervuara.