Subscribe në Ora News këtu http://bit.ly/1s5j7UT

Guvernatori i Bankës së Shqipërisë, Gent Sejko flet për herë të parë për grabitjen e bankave në emisionin ?Ekopolitikë? të gazetares Aurora Sulçe, duke deklaruar se këto grabitje janë njësoj të rrezikshme për sistemin si kreditë e këqija. Deklarata e fortë vjen në një kohë që vetëm një ditë më parë u krye grabitja e një banke në Vlorë dhe më herët në Rinas ku u grabit një shumë e konsiderueshme parash.
Sejko: Në radhë të parë, efekti negativ është humbje për bankat, ato kanë gjendje financiare të konsoliduar, por është një humbje. Efekti më i madh negativ nuk është humbja financiare, por humbja në imazhin që ne japim në sigurinë për investitorët e huaj; vetë bankat janë investitorë të huaj direktë. Në rast se ngjarjet përsëriten ? se ngjarje sporadike ndodhin në të gjithë botën ? por përsëritja e ngjarjeve të kthyera në një fenomen, atëherë kjo do të jetë një sinjal tjetër alarmi, sikurse është dhe kredia me probleme në nivel të lartë. Kjo do të krijonte një pasiguri në situatën e bankave si investime të huaja në Republikën e Shqipërisë. Për këtë arsye në jemi adresuar dhe për ketë arsye ne kërkojmë që ngjarje të tilla të jenë?.
Guvernatori deklaron se transporti i parave cash është transportuar historikisht me avion dhe një formë normale që përdoret në të gjithë botën. Sejko thotë se çështja nuk shtrohet nëse paratë e shqiptarëve transportohen jashtë vendit, pasi bankat mund t?i rikthejnë ato kur është e nevojshme.
Sejko: Sigurisht që teprica e parave cash historikisht është transportuar me avion drejt bankave të huaja. Kjo ka të bëjë me menaxhimin e cash-it dhe këtu nuk shtrohet fare çështja nëse po shkojnë apo jo paratë e shqiptarëve jashtë shtetit pasi siç shkojnë ashtu edhe vijnë.

Për më shumë lexoni në: http://www.oranews.tv/vendi/grabitja-e-bankave-sejko-e-rrezikshme-per-sistemin-si-kredite-e-keqija/