http://www.vizionplus.tv
https://facebook.com/VizionPlusTV
https://twitter.com/VizionPlusTV
Vizita e zv/presidentit amerikan në Kosovë dhe Serbi do t?i japë shtytjen finale paktit për bashkësinë e komunave serbe në veri të Mitrovicës, që sipas marrëveshjes së arritur duhet të finalizohen brenda 25 gushtit. Duke cituar burimet e saj diplomatike ?Balkan Insight? shkruan se qëndrimi i numrit dy të Shteteve të Bashkuara të Amerikës do të rigjallëroi bisedimet, marrëveshjet e të cilave kanë mbetur vetëm në letër. Sikurse shkruhet në axhenden e Biden, zv/presidenti amerikan mbërrin mbrëmjen e të martës në Prishtinë, ndërsa një ditë më pas ai mban takime me presidentin Thaçi dhe kryeministrin Mustafa, me të cilët do të bisedojë dhe për luftën ndaj korrupsionit dhe miratimin e çështjes së kufirit me Malin e Zi. Nga ana tjerë, zyrtari amerikan, nuk do të takojë asnjë prej krerëve të opozitës, duke i dhënë një mesazh të qartë se dhuna dhe përdorimi i gazit lotsjellës në institucionet e Kosovës është e papranueshme. Pas qëndrimit në Prishtinë, Xho Bajden qëndron për një vizitë edhe në Beograd, ku do të pritet nga presidenti Nikoliç dhe kryeministri Aleksandar Vuçiç. Ndër të tjera, zv/presidenti amerikan pret nga liderët serbë dhe zbardhjen e vrasjes së vëllezërve Bytyçi, të cilët kanë dhe shtetësi amerikane. Ky ishte dhe një premtim i Vuçiç gjatë vizitës se fundit në SHBA.