Partia Demokratike ka kërkuar garanci që dëshmitë kundër gjyqtarëve dhe prokurorëve, të cilët kanë marrë ryshfet në këmbim të mbylljes së dosjeve apo vendimeve të padrejta, të mos përbëjnë shkak për rihapjen e çështjeve të gjykuara apo të hetuara.

Në amendamentet për projektligjin e Vetingut, opozita ndryshoi nenin 50, për bashkëpunëtorët e drejtësisë, nen i cili u garanton status të veçantë dhe kthimin e parave mbrapsht personave që denoncojnë gjyqtarët dhe prokurorët, të cilëve u kanë dhënë ryshfet.

Me anë të riformulimit të nenit, Partia Demokratike tentoi të vendoste një garanci ligjore, për të pamundësuar hapjen e çështjeve të gjykuara dhe hetuara nga gjyqtarët dhe prokurorët e korruptuar.