Subscribe në Ora News këtu http://bit.ly/1s5j7UT

Kryeministri Rama ka deklaruar se vitin e ardhshëm BE do të caktojë një datë për hapjen e negociatave me Shqipërinë. Në pritje e fundvitit me trupin diplomatik kreu i ekzekutivit tha se në 2017 reforma në drejtësi do të japë efektet e para dhe Shqipërisë do ti hapet drita jeshile për negociatat.
Rama: Besoj që BE vitin e ardhshëm do të vendosi datën për celjen e negociatave në momentin që ne do të tregojmë një numër të mjaftueshëm gjykatësish dhe prokurorësh që janë nxjerrë njëherë e përgjithmonë nga pallati i drejtësisë.
Edhe pse e ka shprehur edhe më parë atë që e quan turp të BE për mos liberalizimin e vizave me Kosovën, por Rama e artikuloi këtë edhe përpara ambasadorëve.
Rama: Që populli i Kosovës ndalohet të lëvizi lirisht si gjithë të tjerët nuk mund të mos e ndaj me ju turpin që ndjej për BE në raport me këtë të vërtetë kaq të hidhur që është e vërteta e njerëzve të atij vendi. Besoj që ky ndalim është një shpreheje kuptim plotë e një dobësie që jo vetëm këtu, por sot manifestohet nga BE. Ndërkohë që Kosova si shteti më i ri i Europës ka nevojë të trajtohjet njerëzisht si të gjithë popujt e tjerë të Europës.
Në një kohë kur Maqedonia sapo përfundoi një proces zgjedhor, kryeministri Rama apeloi qeverinë e re që të funksionojë mbi kornizat e marrëveshjes së Ohrit.

Për më shumë lexoni në: http://www.oranews.tv/vendi/rama-me-fqinjet-na-karakterizon-dialogu-zero-probleme/