2000 НЕЕВИДЕНТИРАНИ ДЕЦА ВО МАКЕДОНИЈА
Од семејствата кои живеат во импровизираните куќички под скопско Кале околу 60 деца не одат на училиште. Тешката финансиска состојба е причината поради која овие деца останале без образование. Сепак, тоа не е единствениот проблем. Тие немаат ниту документација. Голем број од овие деца воопшто не се евидентирани во матичната книгата на родени.

Ангела Маневска од детската амбасада „Меѓаши“ вели дека во овој случај е прекршено правото за образование.

Драги Змијанац, директорот на првата детска амбасада “Меѓаши“, вели дека постои опасност од злоупотреба на децата кои не се запишани во матичната книга на родени. Како што вели тој во Македонија околу 2 илјади деца воопшто не се евидентирани.

Од детска амбасада „Меѓаши“ апелираат децата да се вклучат во образованиот процес со цел да се избегне нивната злоупотреба како продавачи и питачи, пратени да го прават тоа против нивна вилја. Од „Меѓаши“ велат дека овие деца наместо да талкаат по семафори, треба да седнат во училишните клупи.

Мирадие Хасани