http://www.vizionplus.tv
https://facebook.com/VizionPlusTV
https://twitter.com/VizionPlusTV
Ky një 20-vjeçar ia ka dalë të grabisë një farmaci vetëm me një pistoletë lodër. Kamerat e sigurisë së një biznesi, kanë fiksuar momentin kur i riu largohet me biçikletë, pasi rrëmbeu shumen prej 8 mijë lekësh. Sipas policisë, grabitja në rrugën ?Siri Kodra? u krye brenda pak sekondash, por kamerat e sigurisë tregojnë se agresori kishte studiuar për rreth 30 minuta vendin dhe më pas është futur brenda ambienteve te farmacisë. Blutë dyshojnë se ai ka përdorur një pistoletë lodër, por që i shërbeu aq sa për të marrë paratë. Në harkun kohor të një muaji, në Tiranë kanë ndodhur tre grabitje me maska ndërsa vetëm në një rast është arrestuar autori. Një bankë ra pre e dy grabitësve të maskuar në zonën e njohur si ?21 dhjetori?. Më 30 dhjetor, Ilir Lelo, grabiti një kazino në afërsi të ?Don Boskos? por u arrestua në tentativën e dytë te Prokuroria e Tiranën. Ndërkohe, mbetet në kërkim 20-vjeçari i farmacisë.