VLORË- Policia ka finalizuar me sukses operacionin antidrogë të koduar "WEST" i cili ka përfunduar me sekuestrimin e 80 kilogramë kanabis si dhe arrestimin e një personi.

Spiro Tupa, 62 vjeç, banues në fshatin Beshisht, Vlorë dispononte lëndë narkotike në banesë gati për ta shitur.

Policia ka gjetur lëndën narkotike gjatë kontrollit të ushtruar në banesën e Spiro Tupes.

Droga ishte e fshehur në një dhomë, e ndarë nëpër thasë sintetikë me thurje dhe në qese të zeza plastike, të cilat u sekuestruan në cilësinë e provës materiale.