Subscribe në Ora News këtu http://bit.ly/1s5j7UT

Është përsëritur për të disatën herë e njëjta skemë. Një makinë e blinduar që transportonte para drejt Rinasit është grabitur në rrugë, nga persona të armatosur dhe të maskuar, të cilët më pas kanë djegur automjetet e tyre dhe janë larguar.
Ka qënë ora 13:50 minuta kur në Qafe-Kashar një grup personash me dy makina të armatosur, dhe të maskuar dhe me veshje te zezë kanë mundur të neutralizojnë në pak minuta dy makinat e blinduara që po bënin transportimin e një shume të konsiderueshme parash.
Grabitja e rreth 7 apo 8 thasëve me para në një makinë të blinduar që i transportonte ato drejt Rinasit ndodhi rreth orës 14:00, kur persona të armatosur dhe me maska u kanë zënë rrugën dy makinave të blinduara.
Nuk ka ende njoftim zyrtar nga policia lidhur me grabitjen. Një prej makinave të grabitësve është përplasur me makinën shoqëruese të parave dhe më pas grabitësit janë drejtuar nga makina e blinduar ku ndodheshin paratë.
Sipas burimeve te Ora News, ka pasur një përleshje të autorëve me forcat e sigurisë, i kanë kërkuar çelësin shoferit i cili nuk ka pranuar ti japë. Autorët e kanë goditur shoferin, ndërsa në makinë ka edhe shenja plumbash.

Për më shumë lexoni në: http://www.oranews.tv/vendi/tirane-grabitet-makina-me-para-rruges-per-ne-rinas/