TIRANË- Një kazino është tentuar të grabitet mbrëmjen e djeshme në zonën e ''Selvies'', në kryeqytet, por kjo tentativë ka dështuar.

Në videon e siguruar nga gazetari Driçim Çaka, duket mjaft qartë momenti kur grabitësi, me armë në dorë afrohet drejt banakut dhe i drejton pistoletën gruas e cila ndodhej aty.

Autori i maskuar, me një kapuc gri dhe një xhup të zi i bën thirrje gruas që t?i dorëzoj sa më shpejt paratë, e ndërsa gruaja i kërkon që të mos t?i bëj asgjë pas është nënë e fëmijëve.


Grabitësi: Shpejt, shpejt nxirri lekët
Gruaja hap sirtarin
Grabitësi: Shpejt moj ti, lëviz të thashë
Punëtorja: O cuni po kemi kallamanj mo?
Grabitësi bërtet: Nxirri, nxirri

Pasi ka marrë paratë e lëna në banak, autori është drejtuar drejt daljes, por aty është ndeshur me punonjësin e policisë, i cili e ka qëlluar me pistoletë në kokë.

Në ato momente, nga goditja, autorit i ka rënë pistoleta nga dora, e cila ka rezultuar lodër. Dyshohet se në këtë mënyrë ky i ri ka bërë edhe disa grabitje të tjera në kryeqytet.