http://www.vizionplus.tv
https://facebook.com/VizionPlusTV
https://twitter.com/VizionPlusTV
Tingujt e kësaj pianoje kanë nisur ta pushtojnë sallën e koncerteve në Akademinë e Arteve që në mëngjes. Është pianistja dhe pedagogia Silva Skënderi ajo që udhëheq e para drejt notave klasike, në përgatitje të një koncerti simfonik. Pas saj, një orkestër me të rinj, pasi me muzikën e Chopin, Bruch e Liszt ngjiten në skenë studentët më të mirë të Akademisë, që sipas pedagoges do të duhet të tregojnë së pari vlerat e tyre në këtë skenë për t?u ngjitur më pas edhe në skena më të mëdha. Profesori i këtyre të rinjve në studiot e Akademisë, këtë herë drejtues orkestre në skenë, pohon se kjo është një provë e rëndësishme për ta, një provë që ai dëshiron ta quajë të suksesshme. Megjithatë, i mbetet publikut t?i duartrokasë, këta të rinj në Akademinë e Arteve mbrëmjen e së mërkurës.