Ish-kryeministri Sali Berisha, ditët e fundit, ka përshkallëzuar sulmet në adresë të filantropistit me famë botërore, George Soros, duke u përfshirë në polemika edhe me raportuesin për Shqipërinë në Parlamentin Europian, Knut Flenckestein.

Ndryshe nga kryetari i PD, Lulzim Basha, i cili nuk e ka lakuar qoftë edhe një herë emrin e Sorosit në publik, Sali Berisha ka dhënë alarmin se George Soros dhe mafia e tij, janë një rrezik madhor për demokracinë shqiptare.

Po ashtu, Berisha ka aluduar edhe për një miqësi okulte mes Sorosit dhe kryeministrit Edi Rama. Po sa i vërtetë është Sali Berisha në ofensivën ndaj Sorosit? Cilat janë fijet e padukshme që lidhin filantropin me krerët e Partisë Demokratike?