TRANË-Kryeministri Edi Rama ka firmosur sot Peticionin Pro Vettingut duke i drejtuar disa mesazhe opozitës që po proteston në diten e 15 në çadrë para kryeministrisë.

''Me opozitën nuk kemi çfarë negociojme por kemi çfarë bisedojmë. Opozita është e mirëseardhur për t'i dëgjuar propozimet realiste dhe konkrete. Ne jemi të gatshëm të dëgjojmë dhe të bisedojmë për çdo gjë tjetër pa asnjë lloj problemi. E vetmja gjë që nuk vendosim ajo çfarë me kushtetutë i takon sovranit. I takon popullit që me votën e saj të vendosë se kush do të qeverisë. Populli cakton kush është në qeveri'', u shpreh Rama per mediat pas firmosjes se Peticionit pro Vettingut.