Subscribe në Ora News këtu http://bit.ly/1s5j7UT

Punonjësit e administratës shtetërore janë më të riskuarit për të përjetuar ngacmime morale apo seksuale në vendin e punës. Avokati i Popullit Igli Totozani ngre shqetësimin për ndryshimin e kodit penal, ndërsa sipas deputetes demokrate Albana Vokshi në këtë administratë punonjësit e ndiejnë veten të riskuar.
75% e punonjësve që punojnë në administratë nuk kanë pasur një eksperiencë personale në lidhje me ngacmimin moral në 3 vitet e fundit. 7.5% janë ngacmuar çdo vit në 3 vitet e fundit dhe 17.5% e tyre deklarojnë se janë ngacmuar të paktën 1 herë për të njëjtën periudhë kohore.
Këto janë të dhënat e një studimi të kryer me indicie të Avokatit të Popullit i cili gjatë prezantimit të raportit u shpreh se ngacmimi moral është faktor për një serë shqetësimesh në administratë dhe se duhet ndryshuar kodi penal.
Totozani: Ngacmimi moral është një dhunë, e cila sjell pasoja të pallogaritshme në shëndetin psiqik dhe psikologjik ndaj individit. Ai reflekton edhe dhunën në familje , ndaj marrja e masave për parandalimin dhe ndëshkimin e tij do të ndikojnë pozitivisht edhe në reduktimin e dhunës në familje dhe forcimit të integritetit të gruas. Neni 108/a ?Ngacmimi seksual? në Kodin Penal duhet të ndryshohet me qëllim përfshirjen në të rasteve kur ngacmimi seksual ndodh prej punëdhënësit, eprorit, kolegut apo të tretit me të cilin viktima ka një status të veçantë varësie ose mes tyre ka një ndërveprim që rrjedh nga marrëdhëniet e punës. Në Kodin Penal duhet të shtohet një nen i veçantë për kriminalizimin e ngacmimit moral si kundërvajtje penale. Një pjesë e mirë e vendeve evropiane e kanë përfshirë ngacmimin moral në kodet e tyre penale.

Për më shumë lexoni në: http://www.oranews.tv/vendi/ngacmime-morale-ne-17-5-te-administrates-ndryshim-i-kodit-penal/